MF 500-línan notast við tækni sem miðar að auknum afrakstri. Með „Precision Planting System“, nákvæmu skömmtunarkerfi vélarinnar, skilar hún fyrsta flokks sáningu án þess að fræ fari til spillis. vSet2-skammtarinn, sem er staðalbúnaður, býður upp á bestu aðgreiningu sem völ er á: Við sáningu á maís er aðgreiningin til dæmis 99,6%. Á hverri röð fyrir sig eru auk þess hliðartakmarkarar sem sjá til þess að sáðdýptin verði sem best. Það skilar sér í skilvirkari sáningu og betri uppskeru.

Með MF 500-línunni geturðu stólað á að búnaðurinn sé til í tuskið þegar á þarf að halda. Raðagrindin var hönnuð til að draga úr óvirkum tíma. Á fellitengjunum eru sjálfsmyrjandi fóðringar sem koma í veg fyrir óþarfa slit á íhlutum. Skurðarlínan er með mismunandi gerðir diska sem hægt er að hreinsa bæði að innan- og utanverðu. Þannig er dregið úr hættu á stíflum, án smurkoppa. Betri skurður, betra bil og minni hávaði gera MF 500 að fjölhæfri sáðvél sem lagar sig að hvers kyns jarðvegi og skilar framúrskarandi verki.

Á MF 500 sáðvélunum er losanlegur geymir fyrir fljótlega áfyllingu. Þannig er séð til þess að sáðvélin sé ekki eins lengi stopp og lengur í vinnslu. Kassarnir eru stórir og bilið á milli þeirra einfaldar áfyllingu til muna. MF 500 er einstaklega öflug og afkastamikil sáðvél.