Til þess að ræktunin skili auknum afrakstri skiptir öllu máli að sáningin sé jöfn. Þess vegna eru MF700-sáðvélarnar búnar svokallaðri „Precision Planting“-tækni sem tryggir að alltaf sé rétt bil á milli sáðkorna, jafnvel á miklum hraða. Ásamt vSet2-skammtaranum sér hún til þess að sáðkornin séu sett niður með jöfnu millibili. Aðgreining sáðkorna er með besta móti sem skilar sér í minni frávikum og betri nýtingu. MF 700-sáðvélarnar geta einnig verið búnar vDrive Controller og 20/20 Ger3 Monitor. Sáningin verður nákvæmari með hraðvirkari búnaði og lægri rekstrarkostnaði.

Við hönnun grindarinnar á MF 700-sáðvélinni var leitast við að hafa smurstaðina eins fáa og mögulegt er. Þannig fer minni tími í viðhald og meiri tími nýtist í sáningu. Við hönnun MF 700 var lögð áhersla á svarðarfylgni og hámarksskurðargetu, sem lágmarkar hættu á að festast. Afköstin aukast til muna og sáningin skilar betri árangri. Án smurstaða og gormaþrýstings lagar þessi sáðvél sig að hvers kyns jarðvegi.

Til að gera ferlið enn skilvirkara er MF 700 með miðlægan sáðkassa sem rúmar heilan stórsekk. Breiður pallurinn sér til þess að fljótlegra og einfaldara er að fylla á sáðvélina. Þannig gengur vinnan greiðar fyrir sig og þú nærð meiri afköstum. MF sáðvélin státar af sterkbyggðari grind og fjölda annarra eiginleika sem hjálpa þér að fá sem besta uppskeru.