„AGCO hefur þegar fjárfest fyrir 300 milljónir bandaríkjadala í fyrirliggjandi og nýjum framleiðslustöðvum í Kína. Við erum nú með tvær framleiðslustöðvar í Changzhou og Yanzhou með yfir 1000 starfsmenn. Vélbúnaður og varahlutir sem við framleiðum í Changzhou eru fyrst og fremst ætlaðir fyrir innanlandsmarkað en einnig til útflutnings til annarra markaðssvæða í Asíu og víðar. Markmið okkar er að bjóða upp á heildarlausnir fyrir bændurna sem sjá heiminum fyrir fæðu og stuðla að frekari vélvæðingu landbúnaðar í Kína og heiminum öllum. Changzhou gegnir lykilhlutverki í langtímaþróun okkar. Hagstæð staðsetningin ásamt opinberum stuðningi og hvötum fyrir iðnaðinn réði úrslitum um þá ákvörðun að koma hér upp framleiðslustöðvum og aðfangakeðju. Verksmiðjan í Changzhou mun ekki eingöngu þjóna innanlandsmarkaði, heldur mun hún einnig gegna hlutverki alþjóðlegrar miðstöðvar fyrir nýja dráttarvélalínu AGCO „Global Series“ með 70 til 130 hestöflum. Hún mun bjóða AGCO upp á fleiri möguleika til að auka framleiðslugetu sína og þróa skilvirkari framleiðsluferli.”