MF 3700 AL

Vörur

Fjölhæfi vinnufélaginn þinn

Við kynnum MF 3700 AL

Sniðin að þínum þörfum

Nýju MF 3700 AL-dráttarvélarnar eru fáanlegar í 75, 85 og 95 hestafla útfærslum og eru sérstaklega hannaðar til að bjóða upp á stöðugleika, þægindi og fyrsta flokks útbúnað sem staðalbúnað fyrir þá sem vinna í fjalllendi eða hæðóttu landslagi. Stýrishúsið er ýmist með flötu gólfi eða í lágreistri útfærslu sem lækkar dráttarvélina niður í minna en 2,44 m hæð.

Nýr og breiðari undirvagn ásamt stærri dekkjum tryggja framúrskarandi stöðugleika. Kraftmiklar, fyrirferðarlitlar og fjölhæfar MF 3700 AL-dráttarvélarnar sjá þér fyrir afköstunum sem þú þarft við krefjandi vinnu í fjalllendi, úti á akri eða heima á bænum. Þær henta einnig fullkomlega í sérhæfðari störf í skógrækt, hjá sveitarfélögum og á almennings-/frístundasvæðum.

Helstu kostir

Uppgötvaðu MF 3700 AL

Myndasafn

Tækni og nýsköpun

Líkt og allir góðir vinnufélagar hjálpar MF 3700 AL þér að koma hlutunum í verk. Þessi einfalda og trausta vinnuvél stendur ávallt fyrir sínu, enda er hún einstaklega fjölhæf, áreiðanleg, sterkbyggð og ódýr í rekstri.

SpeedShift

Skilvirkir og auðnota hnappar á gírstönginni auðvelda notandanum að aftengja vélina og skipta á milli hærri og lægri SpeedShift gíra - sem skilar sér í átta kúplingalausum skiptingum innan hvers bils af þremur bilum.

3,4 l. 4 strokka Stage 3B

Þessi lína gengur fyrir nýrri kynslóð fjögurra strokka Stage 3B véla sem skila meira afli og togi fyrir krefjandi vinnu sem krefst mikilla afkasta.

24x12 PowerShuttle og Speedshift

24x12 PowerShuttle og Speedshift bjóða uppá snarpa skiptingu á milli 24/12 SpeedShift, tveggja hraða Powershift gírkassa, með PowerShuttle til að einfalda skiptingu á milli áfram og afturábak aksturs.

Allar MF 3700 AL-gerðirnar státa af ríflegum útbúnaði „Efficient“-pakkans sem felur í sér fjölda eiginleika sem stuðla að auknum þægindum og afköstum. Staðalútfærslan er með flötu gólfi en lágreist útfærsla er einnig í boði sem aukabúnaður og er heildarhæð dráttarvélarinnar þá undir 2,44 m. Við þetta bætast lipurð og góð yfirsýn sem gera þessa dráttarvél tilvalda fyrir vinnu þar sem svigrúm er af skornum skammti.

Lokað stýrishús sem lætur lítið yfir sér

Lág útfærsla lokaða stýrishúss MF 3700 AL er að hámarki 2,44 m og er því lægsta lokaða stýrishúsið á markaðnum.

Fjölnota stýripinni

Framúrskarandi stjórnun fæst með fjölnota stýripinna sem nýtist til að stjórna öllum gírskiptingaraðgerðum og flæðislokum eða ámoksturstæki. Notandinn getur einbeitt sér að verkefninu og að hámarka nýtingu tengitækjanna.

Loftfjaðurbúnaður í sæti

Loftfjaðurbúnaður í sæti er staðalbúnaður og ásamt útfellanlegum og hallanlegum stýrisbálki geta notendur fullvissað sig um að þeir vinni við hámarks þægindi.

Stýrishús með flötu gólfi

1,40 m breitt flatt gólf í sérhannaða stýrishúsinu gerir að verkum að nettu en aflmiklu vinnuvélarnar í MF 3700 AL línunni upplifast sem stórar dráttarvélar.

MF 3700 AL-línan er nett, lipur, áreiðanleg og fáanleg með stýrishúsi í lágreistri útfærslu – sem gerir hana tilvalda fyrir notkun með ámoksturstæki frá Massey Ferguson. Með tengibúnaði að framan og aflúttaki sem aukabúnaði verða þessar dráttarvélar síðan enn fjölhæfari. Framtengd verkfæri – hvort sem er fyrir slátt, kvistun eða sópun – auka afköst og nýtingu og tryggja þannig að þú fáir sem mest út úr fjárfestingunni.

Open-Centre kerfi

Í senn einfalt og afkastamikið vökvakerfi af „open-centre“ gerð sér MF 3700 AL línunni fyrir vökvaafli til að nota margs konar tengitæki og búnað af nýjustu gerð.

Þriggja dælu kerfi

Þriggja dælu kerfið er staðalbúnaður sem framleiðir allt að 125 lítra/mínútu af vökvaflæði.

Framöxulsfjaðurbúnaður sem valmöguleiki

Með því að nýta upplifunina af háu hp dráttarvélunum okkar hafa verkfræðingar okkar þróað nýjan fjaðurbúnað sem tryggir bestu mögulegu þægindi og spyrnu í þessum flokki. Þetta gefur dráttarvélinni stöðugleika á meðan vökvafjaðurkerfið styður við þægindi notanda.

Fáanlegar gerðir

Gerð	Hámarksafl (hestöfl)	Vél	Gírkassi	Hámarkstog (Nm)	Lyftigeta (kg)
MF 3707	75	3,4 l. Stage 3B Fjögurra strokka	24 x 12 hröð gírskipting	320	3.000
MF 3708	85	3,4 l. Stage 3B Fjögurra strokka	24 x 12 hröð gírskipting	365	3.000
MF 3709	95	3,4 l. Stage 3B Fjögurra strokka	24 x 12 hröð gírskipting	395	3.000